يالله نبدا راااح اقولها بالتفصيل الممل:
صحيت مثل اي بنت رايحه لمدرستها صليت الفجر لبست مريولي
مشطت شعري صحيت اخوي واختي عشان يتجهزون..المهم خلااااااص
جاء الوقت اللي نروح فيه للمدرسة خرجنا نبي نركب السيارة الا هي ماتشتغل!!!
طبعا انا جن جنوني في ذاك اليوم كان في تكريم وقالوا لنا لازم تجون وقلت لابوي
هذا الكلام بس مايمشي هالكلام عنده والسيارة صرررراحه من حقها ما تشتغل من
يوم عمري 3سنين متمسك فيها تمسك موطبيعي!!
المهم قلت لابوي :ابوي مالي صلاااح الله يخليك دبر لي سيارة عشان توديني(وياليتني ماقلت هاذي الكلمة) شب في وجهي وقال :راااح اوصلك للمدرسة يابنتي تدرين كيف!!؟؟وانا طاااايره من الفرحه قلت كيف قااااااال لي:بكــــــــف واحد اوصلك اسكتي تراك ازعجتينا.
طبعا سكت عشان مايديني الكف قدام الله وخلقه
قال ابي اوقف لكم لومزين انتي واختك واخوك انااااا صراااحه خفت لاني ماني متعوده اركب لموزين لحالي انا واخواني واخوي صغير خامس ابتدائي المهم سكت افكر وش اقول له اوافق ولا لا واقول لابوي وانا افكر؟؟اممممممممممممممم
قال لي:قلت لك اخترعي شي عشان تسكتس وما تتكلمي قلت له خلااااااااص طيب ابي اروح
ووقف لموزين وركبنا انا واخواني وقال ابوي انه اخذ رقم اللوحه ورقم جوال اللومزين حسسني انا ررراح ننخطف اكيد!!!
المهم نزلنا اخوي مدرسته وانا خوفي بدأ يزيد واختي ماشاء الله عليها كليحه وجريئة جراة ماشفتها في حياتي طبعا هي اصغر من بسنه .
وقعدت تتكلم وشفتي ..وشفتي ولما كان البنغالي حق اللومزين يتكلم في الجوال على ما اعتقد مع زوجته تقول له:لوسمحت محمد انا في يتكلم قفل جوال انت حتى ماااا اخلص بعدين تكلم (طبعا لومزين ابوهاأأأأأأ!!!)ومسكين قفله .
ووصلنا للمدرسه قت الطوابير وقعدنا نقول النشيد الوطني (ساااااارعي....)
وبعدين بدا التكريم نااااادت اسمي المديره في الميكرفون وقمت ورحت اعطوني ذاك ليوم شاهدتين وحده في مواد العربي والثاتيه في الانجليزي..... المهم
طلعنا الفصل اخذنا كم حصه ورن الجرس طبعا مسوين حفله في الفصل وانا مرسالتهم ارسلوني عشاااان اشتري كم غريضه من الكافتيريا
وانا ناااازله اسمع صررررراخ انا انفجعت قلت لاااازم اشوف ايش يصير
ورحت الا هم بنتين يكفخون بعض تكفيخ ..وتلطيش جاكي شااان مايسويه
لدرجة الوحده تطلع خصله من شعر الثانيه..والثانيه قطعت مريول الثانيه
وفي الاخير اغمي على وحده من البـــــــنات!!!!
طلعت الفصل احكي لهم وفي يدي مساحة السبوره وكااااانت حديد واحكي..شفتو البنت الللي..كفخت البنت الللي...؟؟
وبعدين دخلت الضحيه مدرسة الرياضيات استاذه غاااالية وانا ماكنت ادري معطيه الباب ظهري
ولا شوي تطير المسااااحه من يدي مع حمااااس الشرح للبنات على الهوشه
ولا شوي,,,,,,,اسمع صوت قووووي طخخخخخخخخ قلت المساحه طاااحت في الارض مادام سمعت صوتها
صرخوا البناااااات قالوا:استاذه غااااااااااليه
قلت لهم:لا لالالالالالالالالالالا مو ابله غاليه اللي فكة الهوشه ابله عائشة وانا لساعني في الهوشه
ولا شوي صديقتي قاااالت لي!!!:يابقره..ياثوره..ياتيسه..ياحماااره(مابقت حيوااان الا قالته)ابله غااااااااليه اغمي عليها من ضربت المساااحه في راسهااا
انا خلااااااااص قلت في نفسي رااايحه قصاص يعني راااايحه
والحمد لله ماصار فيها شي غير انتفخت جبهتها شوي.
قااااااااامت المديره قالت لي تعااااااااالي
قلت طيب
وهاذي المديره رافعه خشمها علينا مدري ليه حلاة الوجه
ودخلت مكتبها ولاشوي تقول انتي فلاانه بنت فلان بن فلان بن فلان بن فلان
قسم بالله كاني في قسم الشرطه
وعلى فكره عرفتني على جد ماكنت اعرفه انه موجود في عيلتنا من كثر ماتقول بنت فلاان
قالت لي انتي سويتي الحركة ذي عن قصد
وتعاااااالوااا شوفوا اسطوانة الحلف والقسم مني
والله ياابله لا ..قسم بالله جعل ربي ياخذني لا..قالت .آمين ربي ياخذك
قات في قلبي تريلا ان شاء لله تلفك وانتي طاااالعه من المدرسه
وبعد كلاااام طويل معاهااااا طلعت براااائه
بس البنات اللي في الفصل متشوقين يعرفون ايش صااااار لي
وانا خاااارجه من مكتب المديره مريت على الحمام(الله يكرمكم)وحطيت لي كم دمعه بالمويه عشااان يظنون ان المديره كفختني
ووصلت الفصل والبنات يطاااالعون فيني كاني دكتور ولهم مريض في غرفة العمليات يبون يعرفون كيف نجحت العمليه ولا لا المهـــــــــــم
جاتني صديقتي العزيزه قالت لي......)طمنيني وش صار لك
قلت لهااا وبعيون حزينه:للاسف(بس قلت للاسف)
قااامت حضنتني وقالت لي خلااااااااااص حبيبتي كلها 3 اياااااااام وترجعين لنااا
العاده في المدرسه الفصل 3ايااااااااام
ولا شوي قلت لهم:للاســــــــــــف المديره ماقدرت تتغلب علي!!!!!
وشوي البنات فرحانين واللي تقول لي الله يقطع ابليسك فجعتينا
قلت عاااااااااااادي اختركم بس.
والابله المسكين اخذت اجاااااازه اسبوع
وبعد اسبوع حاااااء يوم جيتها
واناداخله المدرسه مامداني فصخت عباااااتي الا شوي البنات يقولون لي
جبتين شي للابله ورده زي كذا قلت:اخخخخخخخخ نسيت وانا لا نسيت ولا شي
قلت ابي اروح الحين اجيب لهااااا قالوووا لي:مجنونه انتي من راح يخرجك الحين
قلت لهم:الله ماشفناه بالعقل عرفناه
رحت معمل العلوم وآآآخذ ورده من ورود الابله (والله لو كانت تدري!!)
واعطيها وتاسفت منها مقلت لها مااااااراح اعيدها
قالت :ولو اني شوي زعلانه منك يا(......) بس راح اسامحك
قلت في نفسي: ازعلي ولا طقطقي المدرسه مليانه جدران دوري واحد فيهم وطقي راسك فيه.
وابشركم خليت لهااا علامه في جبهتها مارررررراح تنساها طول عمرها
حتى من شين العلامه صااارت تغطيها بقصه من شعرهااااااااا!!
الله يسامحـــــــــــــني بس
الخميس أكتوبر 14, 2010 4:07 pm